Mamlaka ya Kudhibiti na Kupambana na Dawa za Kulevya inashirikiana  na wadau mbalimbali katika kupunguza madhara ya dawa za kulevya kwa kutoa tiba, huduma za utengamao na elimu ya upunguzaji madhara kwa waraibu wa dawa za kulevya. Jitihada hizo ni pamoja na kupanua na kuimarisha huduma za tiba katika vitengo mbalimbali vya afya ya akili, tiba saidizi kwa waraibu kwa kutumia dawa ( Medically Assisted Therapy -MAT), nyumba za upatajinafuu na huduma za unasihi.