Waendesha mashtaka wa Serikali na wapelelezi wanolewa juu ya upelelezi na uendeshaji wa mashauri ya dawa za kulevya

Imewekwa: Monday 31, July 2023

Mamlaka ya Kudhibiti na Kupambana na Dawa za Kulevya (DCEA) kwa kushirikiana na Ofisi ya Taifa ya Mashtaka (NPS) wameendesha mafunzo kwa wapelelezi na waendesha mashtaka wa serikalijuu ya upelelezi na uendeshaji wa mashauri ya dawa za kulevya, leo tarehe 31 Julai, 2023 mkoani Morogoro.

Kamishna wa Huduma za Sheria wa Mamlaka ya Kudhibiti na Kupambana na Dawa za Kulevya Bi. Veronica Matikila amesema, mafunzo haya yanafanyika kufuatia maelekezo yaliyotolewa na Baraza la Taifa la Kudhibiti na Kupambana na Dawa za Kulevya kwa DCEA na NPS kuhakikisha wanafanya mafunzo endelevu kwa maafisa wanaopeleleza na wanaoendesha mashauri ya dawa za kulevya ili kukabiliana na changamoto za kiutendaji na ikiwa ni pamoja na kubadilishana uzoefu juu ya mashauri ya dawa za kulevya .